Bhai ka commentary

Ae shahne.... kya jhakkas victory tha re baap.... Apun ki tho life ban gayi re mamu... chal aa tereko mein jaadu ki chappi deta hoon!!!

India kya kheli re baap... Laxman tho, by God, kaisa kachumbar banaaya Shoaib Akhtar ka... Koi tainshun nahi.... bas idhar ek chakka tho udhar ek chauka... Aur ye Balaji... saala Tirupati se direct Pakistan pahunch gayelaa hai asisaeech lagta hai... kaisa god ke maafik batting.. god bole tho.. apun ka Sachin... Oye tendlya kya catch pakdaa re... apun tho fidaa ho gayelaa hai tere catch pe.... tu tho sachchi apun sab ka God hai..

Aur woh Irfan.... ae baap.. kya bowler hai... kya inswing karta hai re mamu... apun ka tho dil aa gayelaa uske oopar.... agar aisaeech bowling karegaa tho woh tho saala uska record phod daalega... bole tho... waseem Akram... haan.. Waseem Akram ka record phod dalegaa...

Apun ke team ka woh fighting spirit hai na... arrey woheech... sab ek saath milke shoulder pe haath rakhkhe jump maarta hai na.... haan huddal......bilkul jhakkas hai baap.. aisaeech unity apun ke country mein hone ko maangta... phir koi terrorist werrorist apun ke country mein kuch karne ko nahi sakta... apun jaise bhai to kuch bhi nahi hai re baap!!

Chal bhidu, sunday se apun test match dekhegaa... kya? test match.. arrey woheech yaar.. jo paanch din mein safeed kapde pehen ke khelte hain.... chal tab tak thoda hafta collect kar be shahnee.. kharcha paani chahiye ki nahi!!!

--Avi